Гарэў нежылы дом, драўляная агароджа і кватэра

10 верасня ў 09.48 выратавальнікам паведамілі пра пажар у нежылым доме ў вёсцы Казянцы Шчучынскага раёна. У выніку пажару дом згарэў. Гаспадыня прыехала ў вёску, убачыла згарэлы дом і паведаміла пра тое ў МНС. Пажарныя разлікі прыехалі на месца і пралілі вадой галавешкі. Прычына пажару высвятляецца.

Гарыць сухая раслінасць у Свіслацкім раёне 10 верасня

Днём 10 верасня гарэла драўляная агароджа прыватнага домаўладання ў вёсцы Грынкі-1 Свіслацкага раёна. У выніку ўзгарання пашкоджана 20 пагонных метраў агароджы. Драўляны плот загарэўся ад сухой расліннасці, якая гарэла за плотам. Пажарныя ліквідавалі ўзгаранне.

Пасля пажару ў кватэры ў Гродне 10 верасня

У гэтыж дзень здарыўся пажар у кватэры на Чырвонаармейскай вуліцы ў Гродне. У выніку ўзгарання пашкоджаны пасцельныя прыналежнасці на плошчы 0,5 квадратнага метра. Гаспадыня кватэры прызналася, што пакурыла на канапе, а потым адчула пах дыму. Да прыбыцця выратавальнікаў пажар патушылі гаспадыня кватэры і яе госць . Эвакуацыя жыхароў не спатрэбілася, адзначаецца ў паведамленні.

Фота МНС