Пажары на Гродзеншчыне: гарэлі гараж, прыбудова да гаража і гаспадарчая пабудова
За апошнія суткі ў Гродзенскай вобласці здарыліся тры пажары, паведамляе МНС
6 красавіка ў 11.03 выратавальнікам паступіла паведамленне пра пажар у прыбудове да гаража ў Лідзе. У выніку ўзгарання знішчана маёмасць і дах прыбудовы.
Таксама 6 красавіка ў вёсцы Гауці Смаргонскага раёна гарэў гараж. У выніку пажару знішчаны дах і перакрыцці ў гаражы.
Ноччу 7 красавіка цалкам згарэла гаспадарчая пабудова ў вёсцы Заполле Лідскага раёна.
Прычыны пажараў высвятляюцца.
Photo by Aleksandar Pasaric