Пажары на Гродзеншчыне: у Навагрудскім раёне ў агні загінулі маці і сын
За апошнія суткі ў Гродзенскай вобласці здарыліся тры пажары, два чалавекі загінулі, паведамляе МНС
Хата пасля пажару
Днём 2 красавіка выратавальнікам паступіла паведамленне пра пажар у жылой хаце ў вёсцы Котлава Навагрудскага раёна. Агонь знішчыў дах, пашкодзіў перакрыцці, маёмасць і сцены ў хаце. У жылым пакоі знайшлі мёртвымі 83-гадовую гаспадыню хаты і яе 63-гадовага сына.
Вечарам 2 красавіка на прыватным падворку ў вёсцы Індрубка Астравецкага раёна гарэлі дзве гаспадарчыя пабудовы. Адна з іх цалкам згарэла, а ў другой агонь пашкодзіў дах.
Раніцай 3 красавіка гарэла прыватная гаспадарчая пабудова ў вёсцы Старая Рудня Смаргонскага раёна. Агнём пашкоджаны сцены, дах і маёмасць у будынку.
Прычыны пажараў высвятляюцца.
Фота МНС