У Гродне загінуў раварыст
12 жніўня каля 14 гадзін у Гродне ў ДТЗ загінуў раварыст, паведамляе абласная ДАІ
Легкавік пасля сутыкнення з раварыстам
21-гадовы кіроўца легкавіка «Опель» рухаўся па Падкрыжацкай вуліцы ў накірунку АЗС. У спадарожным кірунку па левай абочыне ехаў раварыст, які ў нейкі момант пачаў перастройвацца ў паласу руху легкавіка.
Сутыкнення пазбегнуць не ўдалося, і раварыст загінуў на месцы ДТЗ.
На месцы смяротнага ДТЗ
Асоба загінулага высвятляецца.
ДАІ ў чарговы раз заклікае кіроўцаў быць уважлівымі пры раз’ездзе з раварыстамі і пешаходамі.
Фота ДАІ