У Лідскім раёне падчас пажару траўмавана пенсіянерка
За апошнія суткі ў Гродзенскай вобласці здарыўся адзін пажар, траўмаваны адзін чалавек, паведамляе МНС
Падчас пажару ў Лідскім раёне
1 жніўня ў 13.06 мясцовы жыхар паведаміў выратавальнікам пра пажар у жылым доме ў вёсцы Плясовічы Лідскага раёна.
Калі байцы МНС прыбылі на месца, драўляны будынак быў ахоплены полымем. Як распавяла 85-гадовая гаспадыня хаты, яна рыхтавала ежу на газавай пліце. Пры распальванні пліты адбылася ўспышка. Жанчына атрымала апёкі і выбегла на вуліцу. Медработнікі аглядзелі пацярпелую і шпіталізавалі. Выратавальнікі патушылі пажар.
Агонь знішчыў перакрыцці, дах і маёмасць у доме, пашкодзіў сцены.
Адна з версій прычыны пажару — парушэнне правілаў эксплуатацыі газавых прыстасаванняў, адзначаецца ў паведамленні.
Фота МНС