У Смаргонскім раёне п’яны майстар-рамонтнік пашкодзіў чужы квадрацыкл
Пра гэта паведамляе рэсурс абласной міліцыі
40-гадовы жыхар Смаргоні пакінуў для рамонту свой квадрацыкл жыхару вёскі Асінаўшчызна. 33-гадовы майстар, будучы нападпітку, вырашыў пакатацца на чужым транспарце, не справіўся з кіраваннем і здзейсніў ДТЗ. У аварыі ніхто не пацярпеў, але квадрацыкл атрымаў механічныя пашкоджанні.
Супраць майстра-рамонтніка ўзбудзілі крымінальную справу за ўгон, і цяпер яму пагражае да трох гадоў пазбаўлення волі, адзначаецца ў паведамленні.
Фота УУС
Photo by RDNE Stock project