У Свіслачы кіроўца мікрааўтобуса не ўступіў дарогу раварысту — 73-гадовы мужчына патрапіў у бальніцу
7 жніўня каля 17.00 на вуліцы Леніна ў Свіслачы адбылося ДТЗ з удзелам раварыста, паведамляе абласная ДАІ
Пасля наезду
Устанавілі, што 42-гадовы кіроўца мікрааўтобуса «Пежо», праязджаючы нерэгуляваны пешаходны пераход, не прапусціў 73-гадовага раварыста, які перасякаў праезджую частку дарогі злева направа па ходу руху машыны.
У выніку ДТЗ раварыст атрымаў траўмы рознай ступені цяжкасці і быў дастаўлены ў бальніцу.
Па факце гэтага ДТЗ прызначана праверка.
Фота ДАІ