У Воранаўскім раёне ў аварыі пацярпела 14-гадовая дзяўчынка
ДТЗ з удзелам непаўнагадовай адбылося 29 чэрвеня ў Воранаўскім раёне, паведамляе абласная ДАІ
Легкавік пасля аварыі
Устанавілі, што каля 22.14 на першым кіламетры аўтадарогі Ліда – Радунь 27-гадовая кіроўца легкавіка «Мазда» пры пад’ездзе да Т-падобнага скрыжавання з боку вёскі Бальцішкі адцягнула ўвагу ад кіравання, з’ехала з праезджай часткі ў кювет, а потым у поле.
У выніку аварыі пацярпела 14-гадовая пасажырка, якая ехала на заднім сядзенні машыны. Дзяўчынка з траўмамі была дастаўлена ў бальніцу.
Па факце гэтага ДТЗ прызначана праверка.
Фота ДАІ