Жыхарка Ліды пералічыла махляру 1099 рублёў — хацела купіць апошнюю мадэль IPhone
35-гадовая жыхарка Ліды стала ахвярай махляра, паведамляе рэсурс абласной міліцыі
На прасторах інтэрнэту жанчына знайшла прадаўца, які пагадзіўся рэалізаваць IPhone 15 PRO не за 4000 беларускіх рублёў, як ён каштуе ў афіцыйных дылераў, а ўсяго за 1099.
Абмеркаваўшы ўмовы продажу, жанчына перавяла грошы невядомаму прадаўцу. Праз некаторы час той перастаў выходзіць на сувязь, а тэлефон так і не прыйшоў.
Пацярпелая звярнулася па дапамогу ў Лідскі РАУС.
Па гэтым факце ўзбуджана крымінальная справа па артыкуле «Махлярства».
Photo by MART PRODUCTION